RAIL ONE APP వివరాలు

RAILONE APP వివరాలు !!:

 

రైల్వే ప్రయాణీకులు తమ టిక్కెట్లు రిజర్వేషన్ కోసం IRCTC మొబైల్ ఆప్, సాధారణ టికెట్స్ కొనడానికి UTS  మొబైల్ అప్ అలాగే ఫిర్యాదులు చేయడానికి RAILMADAD ఆప్ అలాగే ట్రైన్ ట్రాకింగ్ లేదా రన్నింగ్ స్టేటస్ తెలుసుకోడానికి వేరే ఆప్స్ ఉపయోగిస్తున్నారు.

అయితే పలు రైల్వే సేవల కోసం వివిధ మొబైల్ అప్స్ ఉపయోగించడం లో ఉన్న ఇబ్బందులు దృష్టిలో ఉంచుకుని రైల్వే శాఖ అందించే అన్ని రైల్వే సేవలకు కలిపి ఒక మొబైల్ ఆప్ విడుదల చేసారు.

 *దాని పేరు 'RAIL ONE'*. 

దీనిని ఈ రోజు నుండి గూగుల్ ప్లే స్టోర్ ద్వారా డౌన్లోడ్ చేసుకోవచ్చును. గతంలో ఉన్న IRCTC యూజర్ ID పాస్ వర్డ్ తో లాగ్ ఇన్ కావచ్చు.

ఈ 'రైల్ వన్' ఆప్ విశేషాలు చూద్దాం.

1.ఈ యాప్ ద్వారా  రిజర్వ్‌డ్ లేదా అన్‌రిజర్వ్‌డ్ టిక్కెట్లను బుక్ చేయండి.

2.*మై బుకింగ్స్*: ఈ ఫీచర్ ద్వారా వినియోగదారులు బుక్ చేసిన మరియు రద్దు చేయబడిన టిక్కెట్ల (అన్‌రిజర్వ్‌డ్ మరియు రిజర్వ్‌డ్) వివరాలు తెలుసుకోవచ్చు.

3.*ప్రొఫైల్*: ప్రొఫైల్ వివరాలను చూడటానికి అవసరమైతే సవరించడం చేసుకోవచ్చు. 

4.*రియల్-టైమ్ రైలు ట్రాకింగ్*: ఆలస్యం, రాక సమయం మరియు ఇతర కీలక సమాచారంతో రియల్-టైమ్‌లో మన రైలును ట్రాక్ చేయవచ్చు.

5.*కోచ్ పొజిషన్ ఫైండర్*: మీ కోచ్‌ ప్లాట్‌ఫారమ్‌పై ఎక్కడ అగుతుందో సులభంగా గుర్తించవచ్చు

6.ప్రయాణంలో స్విగ్గీ జామాటో వంటి ద్వారా ఆహారం ఆర్డర్ చేయవచ్చు.

7.*రైల్ మదద్*: ఈ ఫీచర్‌ను ఉపయోగించి భారతీయ రైల్వేతో నేరుగా ఫిర్యాదులు చేయడం, వాటిని ట్రాక్ చేయవచ్చు.

8.*రీఫండ్ రిక్వెస్ట్‌లు*: రద్దు చేయబడిన లేదా మిస్ అయిన ప్రయాణాల కోసం రీఫండ్‌లను యాప్ ద్వారా సులభంగా రిక్వెస్ట్ చేయండి.  

9.*ఆర్-వాలెట్*: రైల్వే డిజిటల్ వాలెట్ ఫీచర్ ఆర్-వాలెట్‌ను ఉపయోగించి, వివిధ సేవల కోసం సురక్షితమైన మరియు సౌకర్యవంతమైన చెల్లింపులు చేయవచ్చు.

ఈ ఆప్ దాదాపు అన్ని ప్రాంతీయ భాషల్లో ఉపయోగించగలిగే విధంగా రూపొందించారు.

అలాగే, ఈ రోజు నుండి తత్కాల్ రిజర్వేషన్ రూల్స్ ఈ క్రింద విధంగా మార్చారు.

*ఆధార్ ధ్రువీకరణ తప్పనిసరి*

 తత్కాల్ టిక్కెట్ల బుకింగ్ కోసం IRCTC వెబ్‌సైట్/యాప్‌లో ఆధార్ ఆధారిత ధ్రువీకరణ అవసరం.

*OTP ధ్రువీకరణ* జూలై 15 నుండి, ఆన్‌లైన్ మరియు కౌంటర్ బుకింగ్‌లకు ఆధార్‌తో లింక్ చేసిన మొబైల్ నంబర్‌కు OTP ధ్రువీకరణ తప్పనిసరి.

*ఏజెంట్లు టిక్కెట్లు* కొనుగోలుపై నిషేధం: తత్కాల్ బుకింగ్ ప్రారంభమైన మొదటి 30 నిమిషాలు (AC: 10:00-10:30 AM, నాన్-AC: 11:00-11:30 AM వరకు) ఏజెంట్లు టిక్కెట్లు బుక్ చేయడం నిషేధం.

*రిజర్వేషన్ చార్ట్* రిజర్వేషన్ చార్ట్‌లు రైలు బయలుదేరే 8 గంటల ముందు తయారవుతాయి.(గతంలో ఇది 4 గం.ల ముందు వుండేది)